ردا علي الحديث المدهش للبشير في القضارف امس السبت28فبراير 2015 (نحنا دايرين نسوق الناس للجنه )
!!!!!!!!!!!
قلت تسوقنا للجنه أم نعيما دايم
إلا سؤالي ليك يابشه مازال قائم
في جنات عدن برضك في كوزا حايم ؟
******************
بعد ماكتا هااادي وفي حديثك رايق
بقيت ترميهو نضما ليهو تب ماطايق
اركز للحساب ماتبقي عاد مضايق
جنة وييين هي متلك ليها يازول سايق !!!!!
***************
مع جو القضارف والجمال والخدره
ظنيت بكري خمسلك سجارتو ال...
وماوريتنا : شدرتكن دي ياها السدره ؟
قصور كافوري جات من الجنان منحدره !!!!!!
****************
اها القومه الصباح ولا بتسافروا عصاري
ولي دار السلام نركب نقوم طوالي ؟
دحين آآآبشه شان ألحق أدبر حالي
بتسوقونا عليين بي بص الوالي !!!
***************
لي متين إت يابشه الدلاهه تفوق
وتطري الموت ويوم ينجرا ليك واسوق
الخلاني مغسك لي صبح مطبوق
سايق ربع قرن آبشه تاااااني تسوق !!!!!
Yasser Elnadeef
ليست هناك تعليقات:
إرسال تعليق