الصادق المهدي في لندن

في مداولات ساخنه مع بعض الاصدقاء عن جلسة الإستماع الحايقيما (شاتام هاوس) في لندن للسيد الصادق المهدي وصلنا لي نتيجه واحده بس. اقوم انا اسال سؤال في كلمات مختصره عشان ذاته الواحد يعرف القصة شنو. السؤال هو "ممكن ياسيدي الامام تورينا مخك فيو شنو؟" منطقيا ممكن يكون سؤال جيد لانه في ناس كتار ماعارفنه بفكر كيف؟ ولا قطاره واقف في ياتو محطه؟ بس تعرفوا واحد من الاصدقاء المشع ذكاءا قال "والله ياجماعه انا بعرف الامام معرفة شخصية فلو ركزتو علي السؤال دا انا متاكد حايجاوب عليه بدون تسأله " واستطرد قائلا: "انا راي حقو تسالو من حاجه تانيه" قلنا ليه زي شنو يعني؟ قال " اساله عن أخطر كلام قاله في اليومين الفاتو ديل. قولوا ليه مثلا انته رسلته خطاب لي ناس المؤتمر الوطني وقلته ليهم انك علي استعداد تتجاوز حكاية المحكمة الجنائيه لو وافقوا يتنازلو عن الحكم بي سلام. وقولو ليه طبعا نحنا بنديك الحق تقول كلام زي دا لاننا لسع بنعتبرك بتمثلنا باعتبارك رئيس الوزراء الشرعي وممكن تتكلم بي اسمنا, بس هل بتقدر تتكلم بي اسم المحكمه وتتجاوزها كمان؟

بيني وبينكم السؤال مليان وممكن علي الاقل يلقي بعض الضوء علي طبيعة علاقاته الدوليه وخصوصا بالمحكمه الجنائية. ولكن للاسف لم تتاح لي الفرصه لكي اسأل السؤال لانه في معرض رده علي اسئلة تانية قام بطريقه مباشره رده علي سؤالي لمن كان بعلق علي الخطاب الرسله لي ناس المؤتمر الوطني. قال "انا قلته ليهم لو وافقتوا علي هبوط ناعم ممكن نلقي مخرج لي مشكلة المحكمة الجنائية الدولية وانه ناس المحكمة قالوا ماعندهم مانع لو السودانيين قعدوا مع بعض وعملو محاكمات داخليه واجتمعوا علي حل معين ممكن المحكمه توافق عليه".

الامام كان مقنع كعادته. ياخ دا زول منضمه ومبتسم ومتسامح مع نفسه وتحس بيه كأنه من موريشوص. مرات الواحد فينا بشوف السياسين ديل يلقاهم مهمومين زي الكأنو الواحد امه ماتت هسع. (واللاي) انا مرات كنته بسمع خطابات البشير بجيني وجع حلق من كترة كواريكو. الامام عكسه تماما كان واثق وبتحدث بي هدوء مع توزيع الابتسامات والضحكات الخافتة بين الفينه والاخري. صراحة انا في الاول كنته خايف عليه من الاسئله السخنه الممكن تعكر جو (شاتام هاوس) المتدفق مهنية. بس مع مرور الزمن الامام مسك زمام الامر وانطلق لسانه وبدا الارتياح يبين في تقاطيعه لغاية ماجا دور الاسئله وسئل السؤالين الكان معظم الحضور في انتظارهم. الاول بتعلق بي الحكمه وراء عدم دعمه لانتفاضة الشباب في سبتمبر 2013, والثاني بخصوص ابنائه عبد الرحمن وبشري وطبيعة مشاركتهم في الانقاذ.

بخصوص الانتفاضة قال بي وضوح تام انهم في حزب الامه عندهم ادواتهم في النضال البتختلف عن ادوات الاخرين. وده مامعناه انهم صاح والاخرين خطأ فلكل منهما ادواته. وقام سأل "هل ياجماعه حزب الامه وقف وقال للشباب ديل ماتتظاهروا؟ وهل استعمل اي وسيله عشان يوقف المظاهرات ديك؟ كل الحصل انه قلنا ليهم ناضلوا بي اي صورة بتشوفوها, بس نحنا في حزب الامه عندنا طريقتنا البنشوفا صاح واحتمال في ناس بشوفوها غلط. وقال اي شاب لو داير يطلع مظاهره وشايف دا الطريق السليم لتغير النظام اليمشي فيه لانه في النهايه الغايه تبرر الوسيله (دي من عندي). وقام ضرب مثل بالثوره المصريه وقال انها نجحت بعد الالاف المظاهرات الطلعت قبل ماتنجح في تغير النظام في 2011.

موضوع اولاده طبعا كان الموضوع الجايه ليو الناس, عشان كده لمن بدا فيه لاحظت كل الحضور كان في لحظه صمت تام الا لمن التفت لي الزول القاعد جنبي وقال لي "كان ينفضهم" فعاينته ليه رغم السكون وقلته ليه بايماءه براسي تجاه الامام "بلاي دا زول بنفض؟". المهم الامام كلامه كان واضح بخصوص اولاده. قال انه هو اصلا كأب مابحجرعلي طريقة تفكير ابناءه مهما كان وهذه طريقته في التربية. وعندما قرر عبد الرحمن الاندماج مع الانقاذ قلته ليه بصراحة انته حتكون مسئول امام الشعب بصفتك الشخصية وممكن تتحاكم كمان. وعشان كده لازم تعلن انه دا موضوع شخصي لاعلاقة لنا به في حزب الامه. وطبعا كلنا عارفين بقية الموضوع. اما بخصوص بشري, فهو ضابط في الجيش السوداني مع الضباط الاخرين يفرح كما يفرحون ويتزمر كما يتزمرون وهو الان في حالة عدم رضا تشمل (مجموعه كبيره ) من الضباط. وتساءل هل تريدوني ان افرض راي علي ابنائي؟ انا لم افعل ولن افعل ذلك. اما قصة انهم ابنائي فهذه حقيقة لا يستطيع احد انكارها.

ياسيدي الامام, رغم قناعتي الشخصيه بلا حدود بقيادتك منذ امد بعيد, بس الليله اتأكدت (اختلف او اتفق الناس معي) انه في بحر السودان الهائج لا سفينة ستقودنا خلال العاصفه الي بر الامان غير سفينتك. ولكن لدينا طلب وحيد وهو ان مولانا محمد عثمان الميرغني موجود في لندن الان. اذهب من مكانك هذا اليه واجتمع معه واعلنوا للملأ انكم يدا واحدة من اجل الوطن. وانتوا قادة لي اكبر طائفتين دينيتين في السودان. وعشان ماتحصل غلطة 2010, اعلنوا من نفس القاعة بصوت واحد انكم تقاطعون الانتخابات وتطلبون منا جميعا ان نقاطعها معكم. وبهذه الطريقه سيسترد الشعب عافيته لانه ورغم كلام الكيزان عنكم, فلازلتم هلالنا ومريخنا رغم الهزائم المتكرره.

Follow me in twitter@elrazi_elrazi

الفنانه اللطيفه انصاف فتحي

كوز ايراني

كوز ايراني حاول اغتصاب فتاة مسلمه فقتلته. تمت محاكمتها وحكم عليها بالاعدام. هذه رسالتها الاخيره لوالدتها:

«عزيزتي شوليح، علمت اليوم أنه قد جاء دوري الآن لمواجهة القصاص. أنا متألمة أنك لم تعلميني بنفسك أنني قد وصلت إلى الصفحة الأخيرة من كتاب حياتي. ألا تظنين بأنني كان يجب أن أعرف؟ تعرفين كم خجولة أنا من حزنك. لماذا لم تعطيني الفرصة لتقبيل يدك ويد أبي؟.

سمح العالم لي أن أعيش لمدة 19 عاماً. وكانت تلك الليلة المشؤومة هي الليلة التي كان يجب أن أقتل فيها، كان سيتم إلقاء جسدي في ركن من أركان المدينة، وبعد بضعة أيام، كانت الشرطة ستستدعيك لمكتب الطبيب الشرعي للتعرف على جثتي، وهناك كنت ستعلمين أيضاً أنني تعرضت للاغتصاب. القاتل لم يكن ليتم العثور عليه لأننا لا نمتلك ثرواتهم وقوتهم، ومن ثم كنت ستقضين حياتك في معاناة وعار، وبعد سنوات قليلة كنت ستتوفين نتيجة هذه المعاناة، وكان كل شيء سينتهي هناك.

رغم ذلك، ومع تلك الضربة اللعينة، تغيرت القصة، جسدي لم يلق جانباً، ولكن في قبر سجن إيفين وعنابره الانفرادية، والآن في السجن الذي يشبه القبر في شهرراي، ولكن تعرفين جيداً أن الموت ليس نهاية الحياة.

لقد علمتني أن أحدنا يأتي إلى هذا العالم لاكتساب الخبرات وتعلم درس، وأنه مع كل ولادة توضع مسؤولية على كتف شخص ما. لقد تعلمت أنه على الشخص أحياناً القتال. أتذكرين عندما قلت لي إنه لخلق قيمة ينبغي على المرء أن يثابر حتى لو كان عليه أن يموت.

أنت علمتني أنه عندما أذهب إلى المدرسة ينبغي على أن أكون سيدة في وجه النزاعات والشكاوى.

هل تذكرين كم كنت شديدةً بشأن الطريقة التي نتصرف بها؟ وكانت تجربتك صحيحة. ولكن عندما وقع هذا الحادث، تعاليمي لم تساعدني. تقديمي إلى المحكمة جعلني أبدو وكأنني قاتلة بدم بارد ومجرمة بلا رحمة. لم أذرف الدموع، لم أتسول، لم أبك في داخلي لأنني كنت واثقة بالقانون.

ولكنني واجهت تهمة أنني غير مبالية في مواجهة الجريمة. معاملتي للحيوانات فسرت على أنني أميل إلى أن أكون صبيا، والقاضي حتى لم يكلف نفسه عناء النظر إلى حقيقة أنه في وقت الحادث كان لي أظافر طويلة ومصقولة.

كم هو متفائل من كان ينتظر العدالة من القضاة! لم يشكك حتى في حقيقة أن يدي ليست خشنة مثل يد ملاكم. وهذا البلد الذي أنت من زرعت حبه في داخلي، لم يكن يريدني أبداً، ولا أحد دعمني عندما كنت تحت ضربات المحقق أبكي وأسمع أكثر المصطلحات إهانةً. وعندما نزعت عن نفسي علامة الجمال الأخيرة وحلقت شعري، كوفئت بـ 11 يوماً في الحبس الانفرادي.

عزيزتي شوليح، لا تبكي على ما تسمعينه الآن. في اليوم الأول الذي قام به وكيل الشرطة بإيذائي من أجل أظافري فهمت أن الجمال ليس أمراً مرغوباً في هذا العصر. لا جمال المنظر، جمال الأفكار والرغبات، الكتابة اليدوية الجميلة، جمال العيون والرؤية، ولا حتى جمال صوتٍ جميل.

أمي العزيزة، لقد تغيرت أيديولوجيتي، أنت لست مسؤولة عن ذلك. كلماتي لا تنتهي، وأعطيتها كلها لشخص ما حتى عندما أعدم من دون وجودك ومعرفتك، يعطيها لك. ولقد تركت لك الكثير من المواد المكتوبة بخط اليد كتراث لي.

ومع ذلك، أريد شيئا منك قبل موتي، وعليك أن تقدمي لي هذا الشيء بكل قوتك وبأي شكل من الأشكال. في الواقع هذا هو الشيء الوحيد الذي أريده من هذا العالم، هذا البلد ومنكم.

أمي الطيبة، أكثر شيء عزيز عليّ في حياتي، أنا لا أريد أن أتعفن تحت التراب. لا أريد لعينيّ أو قلبي الشاب أن يتحولا إلى غبار. توسلي بحيث أنه بمجرد أن يتم شنقي، سيتم أخذ قلبي والكلى والعيون والعظام وأي شيء يمكن زرعه بعيداً عن جسدي ويعطى لشخص يحتاج إليه كهدية. لا أريد أن يعرف المتلقي اسمي، أن يشتري لي باقة ورد، أو حتى يقوم بالدعاء لي.

أنا أقول لك من أعماق قلبي إنني لا أريد أن يكون لي قبر لتأتي إليه وتحزني وتعاني. أنا لا أريدك أن تقومي بارتداء الملابس السوداء على. وابذلي قصارى جهدك لنسيان أيامي الصعبة. وامنحيني للريح لتأخذني بعيداً.

العالم لم يحبنا. والآن أنا أستسلم لذلك وأحتضن الموت. لأنه في محكمة الله سوف أقوم باتهام المفتشين، وسوف أتهم القاضي، وقضاة المحكمة العليا في البلاد الذين ضربوني عندما كنت مستيقظة، ولم يمتنعوا عن مضايقتي.

في العالم الآخر، إنه أنا وأنت من سيوجه التهم وغيرنا هم المتهمون. دعينا نرى ما يريده الله.. أنا أحبك».

صورتك الخايف عليها ونحنا ماخايف علينا

اسوأ حاجه قريتها في اليومين الفاتت تبرير احد المشاركين في احد مواقع التواصل الاجتماعي للصوره (الكارثه) لاحد الائمه ممسكا (بذكره) والقال فيه انه الصوره مقصوده من المعارضه للاساءه للمؤتمر الوطني. وبقول الزول ده انه دي صوره شخصية ونشرها فيه تعدي علي خصوصية الرجل. ظريف مش كده؟؟؟

ياخ خصوصية شنو. ديل بهدلوا خصوصيه بنات سودانيات كتار لمجرد الطرحه وقعت من راسهم وساقوهم بي دفارات كان بسوقو فيها بتاعين (المرايس) وجابو ابهاتم وامهاتم واهانوهم داخل ما يسمي بمباني النظام العام وكتبوهم تعهدات تاني عاصفه ماتوقع طرحهم. تجي تقول لي خصوصية؟ الزول دا ياجماعه صورته دي مش فاضحه ومفروض يشيلو بي دفار, دا مفروض يجلدوا في ميدان عام لانه خصوصياته المفروض مايطلع عليها غير زوجاته, جاب واحده ولا واحد ماعارفين كيف.. صورو وبقت فضيحه اخلاقيه لوثت موبايلاتنا البشيلوها اولادنا يلعبوا بيها. ياخ انته عندك اربعه نسوان ماكفوك جاي تورينا انك (ابوعرام)؟ وين الخصوصيه هنا؟

انا طبعا وحسب تجاربي مع الكيزان اتعودته القي تبرير لي اي عمل سلبي يقوم بيه اي واحد منهم بس ماتخيلته انه الصور دي وبي وضوحا دا ممكن يجي زول يلقي ليها تبرير. خصوصا والزول دا لسانه (طويل) وبعتبر نفسه سيف الاسلام البتار في وجهه الكفره الزينا كده. والله والله والله نحنا ما اظن في واحد فينا وصلت به الجراه يخت نفسه في موقف زي دا حتي لو كانت زوجته الماسكه بالكاميرا. يكون ماعارف الزول او الزوله الصورته ممكن ينشروا الصور دي. غايتو دي تبريرنا ليها واحد بس انه الموضوع فيه انتقام من الزول دا او يمكن يكون عنده علاقه بالدفع. بمعني اخر يكون الراجل دا جاب الزول او الزوله دي لممارسه الرزيله بالقروش وقام مادفع او يكون دفع اقله من المتفق عليه قام الزول او الزوله قام صوره وقال ليه بفضحك..لانه الغبي افتكر ملكوت السماء والارض بقي تحت يديه وماممكن يتفضح. تاني يوم لقي الصور منتشره في النت..ونحنا ذنبنا ايههههههه؟؟؟؟؟

نجي للخصوصيه تاني لو سمحتو. ياتو خصوصيه البتكلموا عنها الناس دي؟ نحنا يعني هسع مشينا لي موبايل الزول او الزوله الصورته وقمنا سرقناه ولا ختفناه وقمنا جبنا الصور دي ونشرناها زي ماعمل ناس الامن في موبايل الصيدلانيه البهدلوها في احداث سبتمبر والقالوا فيه صور فاضحه ؟ نحنا قاعدين في محلنا فجاه جاتنا صور عبر الوتساب للزول المابغبانا بي ابتسامته الصبيانيه البلهاء كانه في حلقة (ذكر). هل في دليل اننا انتهكنا خصوصيته؟

القصه ياجماعه واضحه وضوح الشمس عشان ما (تدغمسوا) لينا الكلام ساي. واحد كوز متاسلم متزوج من 4 نسوان وكاتب شرس مدافع عن الاسلام (بي طريقته) تجاوز الستين من العمر كان معاه زول ولا زوله ماعارفين بعد ماعمل معاه ولا معاها شنو ماعارفين اتصور ماسك ذكره بي يد و(القلاكسي) باليد التانيه وبي نشوه مراهقين ممثل محترف مابعملا نحنا ذنبنا شنو؟ طبعا ماعندنا ذنب. بس في شئ بهمنا شديد انه الزول دا عضو مهم جدا في اكبر هيئه للفتاوي الاسلاميه في السودان وفي فتاوي كتيره طلعتها الهيئه بتاعتو دي وكانت سبب في ازلال بناتنا واولادنا في الجامعات ونسوانا في الشارع. كمان الزول دا قالو كاتب مشهور في جريده هرتنا عديل كده بالفتاوي الدينيه لمن نحنا شكينا هل كفرنا من غير مانعرف ولا شنو. سيبك من دا كلو عرفنا كمان الراجل دا (عضو بارز) في منبر السلام العادل الضبحوا التيران لمن انفصل الجنوب يعني بالعربي الفصيح كده كان ليه دور كبير في انتصار الاسلام في معركه الكرامه بين الشمال والجنوب.

عشان سمعة الاسلام والبلد دايرين بي حركه سريعه من الاسلام السياسي في شخص نافع علي نافع يبرر لينا الحصل دا ويقول لينا منو الصورو وليه. دايرين برضو نعرف راي علماء المسلمين وخصوصا راي شيخ عبد الحي في الصور دي وهل الموضوع دا حرام ولا حلال. برضو دايرين فتوي من منبر السلام العادل وهل حاتستمر عضويه الزول دا ولا لا. واخيرا دايرين نعرف راي الجريده البشتغل فيها هل حايستمر في كتاباته ولا حايتوقف من الكتابه..راينا يتوقف فورا لانه الكتابه مسئوليه والزول دا مامسئول يقوم يكتب لينا انه صورته دي متطابقه مع الايه "ورفعنا لك ذكرك". عشان كيييييييده هو عضو في (الذكر والذاكرين).

Follow me in twitter@elrazi_elrazi