نحنا ياجماعة حبينا الصادق المهدي وكتبنا عنه اكتر من اي زول ونفتخر بي كده. الجبهة الثورية بتمثل بالنسبة لينا المخرج الوحيد في الضيق العايشين فيو دا. بس هل دا معناه لو واحد فيهم غلط غلطه نقول والله الحكاية دي نعالجا خلف الكواليس؟ متين نتعلم انو الديموقراطية البنهاتي بيها ليل ونهار من ابسط ادواتها انو الناس تتكلم في الهواء الطلق.
معقول الصادق يكون مدي ولدو الخط الاخضر يشارك في الحكومة ونسكت. او الجبهة الثورية تطبخ اتفاق مع حزب الامه القومي من وراء ظهر نائب الرئيس ونسكت؟ وتابخين من ورانا شنو ونحنا ماعارفين؟ حسب وجهة نظري سكاتنا دا هو الخلا ابالسة الاسلام السياسي يفجخونا السنين دي كلها ونحنا ساكتين.
اخرجوا من مخابئكم وقولوا ماتريدون فكلنا سودانيون واحق بهذه البلد الطيبة. والصادق وعقار وعرمان يجهزوا نفسهم عشان يسمعونا لاننا شعبهم وبس.
ليست هناك تعليقات:
إرسال تعليق